Jalajöj k’aslemal

Yojsamäj pa ruwi’ ri rejqalem, ruq’ij chuqa’ rusamajixik kich’ojib’al ri Achamaq’i’ Tinamït e k’o pa ronojel ruwach’ulew.

Rik’in qasamaj chupam ri Nimamoloj richin Jalajöj B’anikil richin ri Naciones Unidad, xqatikirisaj qasamaj pa ruwi’ rub’anik chuqa’ rusamajixik ri na’ojil, cholsamaj, chuqa’ nuk’samaj kiximon ki rik’in kulewal chuqa’ kitinamit ri Achamaq’i’ Tinamït. 

Rub’anon pa 2016, ri qamolojri’ïl runuk’un pa ronojel k’ojlib’äl ri Achamaq’i’ Tzijmoloj rik’in juk’an chik tinamital pa ruwi’ ri jalajöj k’aslemal.

Ri qarayib’äl ja ri samaj nikib’äl ri Achamaq’i’ Tinamït pa ruwi’ ruchajixik chuqa’ rukolik ri jalajöj k’ojlemal, ri k’aslemal chuqa’ ri jalajöj b’anikil richin ri k’aslem.

Ri 80 % richin ri jalajöj k’aslemal e k’o pa ruwach’ulew, e k’o  chuqa’ yewamajïx chupam kulewal ri Achamaq’i’ Tinamït. 

Nqatz’ük’ chuqa’ nqataluj nuk’ulem taq samaj richin nqachajij ri jalajöj rub’eyal kikaslem ri Achamaq’i’ Tinamït, rub’eyal kisamajixik ri rutikomal ulew rik’in rutz’aqatisanem chi rij ri jalajöj k’aslemal. 

Rik’in qasamaj  nqab’än chi eq’alajin, nqaya’ ruq’ij chuqa’ chi nsamajïx kich’ojib’al ri Achamq’i’ Tinamït chupam ruchajixik ri jalajöj b’anikilem, rokisaxik pa rub’eyal ri k’ojlib’al chuqa’ jun ütz rujachik ri tob’al nuya’ rokisaxik ri rutikomal ruwach’ulew.